کسی بے کس کو اے بیداد گر مارا تو کیا مارا​​

جو آپ ہی مر رہا ہو اس کو گر مارا تو کیا مارا​

نہ مارا آپ کو جو خاک ہو اکسیر بن جاتا ​

اگر پارے کو اے اکسیر گر ! مارا تو کیا مار ​

بڑے موذی کو مارا نفس امارہ کو گر مارا ​

نہنگ و اژدہا و شیر نر مارا تو کیا مارا​

خطا تو دل کی تھی قابل ، بہت سی مار کھانے کی ​

تری زلفوں نے مشکیں باندھ کر مارا تو کیا مارا​

نہیں وہ قول کا سچا ، ہمیشہ قول دے دے کر​

جو اس نے ہاتھ میرے ہاتھ پر مارا تو کیا مارا​

تفنگ و تیر تو ظاہر نہ تھے کچھ پاس قاتل کے ​

الٰہی اس نے دل کو تاک کر مارا تو کیا مارا​

ہنسی کے ساتھ یاں رونا ہے مثل قلقل مینا​

کسی نے قہقہہ ،اے بے خبر مارا تو کیا مارا​

مرے آنسو ہمیشہ ہیں برنگ لعل غرق خوں​

جو غوطہ آب میں تو نے گہر مارا تو کیا مارا

جگر دل دونوں پہلو میں ہیں زخمی اس نے کیا جانے​

اِدھر مارا تو کیا مارا ا دھر مارا تو کیا مارا​

گیا شیطان مارا ایک سجدہ کے نہ کرنے میں​

اگر لاکھوں برس سجدے میں سر مارا تو کیا مارا​

دل سنگینِ خسرو پر بھی ضرب اے کوہکن پہنچی​

اگر تیشہ سرِ کہسار مارا تو کیا مارا​

دل بد خواہ میں تھا مارنا یا چشم ِ بد بیں میں​

فلک پر ذوق تیر ِ آہ گر مارا تو کیا مارا​

……………………………….

لائی حيات آئے ، قضا لے چلي چلے
اپني خوشي نہ آئے نہ اپني خوشي چلے

ہم عمر خضر بھي تو ہو معلوم وقت مرگ
ہم کيا رھے يہاں ابھي آئے ابھي چلے

ہم سے بھي اس بساط پہ کم ہوں گے بد وقمار
جو چال ہم چلے سو نہايت بري چلے

ليلي کا ناقہ دشت ميں تاثير عشق سے
سن کر فغانِ قيس بجائے حدي چلے

نازاں نہ ہو خرد پہ جوہونا ھے ہو وہي
دانش تيري نہ کچھ مري دانش وري چلے

دنيا نے کس کا راہ ميں ديا ہے ساتھ
تم بھي چلے چلو يونہي جب تک چلي چلے

—————————-

معلوم جو ہوتا ہميں انجامِ محبت
ليتے نہ کبھي بھول کے ہم نامِ محبت

مانند کباب آگ پہ گرتے ہيں ہميشہ
دل سوز ترے بستر آرامِ محبت

کي جس سے رہ و سم محبت اسے مارا
پيغام قضا ہے ترا پيغامِ محبت

نے زہد سے ھے کام نہ زاہد سے کہ ہم تو
ہيں بادہ کش عشق و مئے جام محبت

ايمان کو غرورکہ کے نہ يوں کفر کو لے مول
کافر نہو گرويدہ اسلام محبت

معراج سمجھ ذوق تو قاتل کي سناں کو
چڑھ سر کے بل سے زينے پہ تا بام محبت

——————————

اب تو گھبرا کے يہ کہتے ہيں کہ مرجائيں گے
مر کے بھي چين نہ پايا تو کدھر جائيں گے

تم نے ٹھرائي اگر غير کے گہر جانے کي
تو ارادے يہاں کچھ اور ٹھر جائيں گے

خالي اے چارہ گر ہوں گے بہت مرہم داں
پر مرے زخم نہيں ايسے کہ بھر جائيں گے

پہنچيں گے رہ گزر يار تلک کيوں کر ہم
پہلے جب تک دو عالم سے گزر جائيں گے

ہم ہيں وہ جو کريں خون کا دعوي تجھ پر
بلکہ پوچہے گا خدا بھي تو مکر جائيں گے

آگ دوزخ کي بھي ہو جائے گي پاني پاني
جب يہ عاصي عرق شرم سے تر جائيں گے

ذوق جو مدرسے کے بگڑے ہوئے ہيں ملا
ان کو مے خانے ميں لے آئو سنور جائيں گے​​​