خیال چھوڑ کہ دنیا ہے خواب کی مانند
تمام خوبی ہے اوسکی سراب کی مانند

نہ کھو تو عمر کوں غفلت میں عیشِ دنییا سیں
کہ روز و شب ہے یہ دھوکا سراب کے مانند

اگر جو موجِ حوادث کی ہے خبر تجھ کوں
نہ کھول چشمِ طرب کوں حباب کی مانند

لیا ہے دل کے کبوتر کوں گھیر کر میرے
تیری دو چشمِ سیہ نے عقاب کی مانند

زبس کہ ہجر میں اوس گل بدن کے روتے ہیں
نین سے جاری ہیں انجھواں گلاب کی مانند
٭٭٭

اگر نسیم ہو قاصد رواں کروں کاغذ
وہ گل بدن سے کہے جا میرا بیاں کاغذ

نہیں ہے حاجتِ شرحِ فراقِ چہرہ و دل
کہ پیچ و تاب کرے گا میرا عیاں کاغذ

ہوا ہے دل کا چمن تازہ پیﺅ کا نامہ دیکھ
مگر ہے عشق کے گلشن کا باغباں کاغذ

جو شمع رُو ی کی جدائی کا شرح کچھ لکھوں
سیاہی مل کے کرے شور اور فغاں کاغذ

حیات اوس گلِ رنگیں کی میں لکھا ناجی
ہوا ہے صفحہ¿ گلزار بوستاں کاغذ

٭٭٭

روٹھا ہے اب وہ یار جو ہم سیں جدا نہ تھا
یوں بے وفا ہوا کہ گویا آشنا نہ تھا

تب جور عشق کس کے بلا کی نظر میں تھی
جب تک پری رُخاں کا یہ دل مبتلا نہ تھا

قامت کوں دیکھ یار کی زاہد تو تب گرا
آہ جگر کا ہاتھ میں اوسکے عصا نہ تھا

قرآں کی سیرِ باغ پہ جھوٹی قسم نہ کھا
سیپارہ کیوں ہے غنچہ اگر تو ہنسا نہ تھا

یوں لعل لب کوں بند کیا مجھ طرف ستیں
گویا تو ہم سے بولتا پیارے سدا نہ تھا

ناجی کے پاس چھوڑ کے اے سنگ دل صنم
کیا گئے تم سمجھ کے ہمارا خدا نہ تھا
٭٭٭

ماہ رُو جب سپید پوش ہوا
ہر طرف چاندنی کا جوش ہوا

موتی آکر لگا تھا کان اوسکے
دُد دُر اوسکو کہے سیں گوش ہوا

کھلکھلا کے جو اس دہن سے ہنسا
غنچہ گلزار میں خموش ہوا

جنّے دیکھا اوسے نظر بھر کے
پھر کر اس کو نہ اپنا ہوش ہوا

مجھ سے افسردہ دل کو اے ناجی
اب سجن کا مقال گوش ہوا
٭٭٭

رنگینی اوپر اپنی تھا باغ باغ لا لا
دیکھا جو لال چہرا تیرا ہے داغ لالا

سوزِ خمار پاکر گلشن میں ملتجی ہوں
مجھ کوں بلاوتا ہے ہر گل ایاغ لا لا

نار خلیل کا ہے پرتو ہی جب کہا یا
وحدت کی انجمن کا روشن چراغ لا لا

جو ہے شہیدِ ہجراں اس پردہ¿ زمیں میں
خونی کفن کا اوسکے دے ہے سراغ لا لا
٭٭٭